Журнал Агидель

Журналдың һандары

Яңы һан

«Ағиҙел» рубрикалары

Шиғриәт

Сәсмә әҫәрҙәр

Шишмәләр

Өмөтлө ҡәләм

Әҙәби тәнкит

Беҙҙең юбилярҙар

Беҙҙең календарь

Публицистика

Музейҙар - мәҙәниәтебеҙ көҙгөһө

Заман үә замандаштар

Әҙәбиәт ғилеме

Әҙәби мираҫ

Ҡәләмдәштәр төҫө

Иман нуры

Яҙмыштан һыҙмыш юҡ

Сәнғәт

Журнал уҡыусылар ижады

«Ағиҙел»гә хаттар килә

Рухи ынйыларыбыҙ

Рухи хазиналарыбыҙ

Сәхнә әҫәрҙәре

«Ағиҙел» ҡунағы

Сатира һәм юмор

Ҡәҙер һәм хәтер

Тәржемә мәктәбе

1812 йылғы Ватан һуғышына – 200 йыл

Әҙәби-мәҙәни мөхит

Бер минутлыҡ әңгәмә

Дуҫлыҡ күперҙәре

Ил-йорт ғәме

Бөйөк Еңеүгә

Китап кәштәһе

Әҙип тормошо

Быуат йылъяҙмағы - 100

Тере хәтер

Исемегеҙ хәтер күгендә

Дин һәм фән

«Ағиҙел»дең 8-се һанында:

Риф Мифтахов, Айһылыу Ғарифуллина, Рәшит Заһиҙуллин. Шиғырҙар.

Әбүскә 100 йыл.

Әҙәби мираҫ. Ибраһим Ҡыпсаҡ.

Яңылыҡтар

Хикәйәләр ярышмаһы!

«Ағиҙел» журналының 2012 йылғы лауреаттары

Евразия Яҙыусылар берлеге һәм «Ағиҙел» журналы Мәхмүт Ҡашғари исемендәге халыҡ-ара II хикәйәләр бәйгеһен иғлан итә. Темаһы – ирекле. Региондарҙа еңеүселәрҙе билдәләү 2012 йылдың 30 сентябренә тиклем.

«Ағиҙел» – «Йыл журналы»!

Беҙҙең дуҫтар

Башкирское книжное издательство Китап имени Зайнаб Биишевой
Информационно-публицистический еженедельник Истоки

Январь 2013

Әмир Әминев

Туҡһанға аяҡ баҫҡанда

«Ағиҙел»дең ошо һаны  менән беҙ журналдың сыға башлауына 90 йыл туласаҡ йылға аяҡ баҫтыҡ. Бө­гөн редакцияла эшләгәндәргә генә түгел, беҙҙән алда хеҙ­мәт иткән бихисап иптәштәргә, рес­пуб­ли­кала, унан ситтә лә йәшәп ижад иткән­, ғө­мү­мән, башҡорт матбуғатын, әҙәбиәтен, сән­ғә­тен яратҡан милләттәштәргә, һанһыҙ ав­тор­ҙар­ға, мең-мең уҡыу­сыларыбыҙға ла ҡыуаныслы, иҫтә­лек­ле да­та был. Сөнки, журналдың Бөйөк Ва­тан һуғышы йыл­­дарында ғына сығыуҙан туҡталып то­роуын иҫәп­­лә­мә­гәндә, ул, исеме аҙаш йылға ише,  хал­ҡы­быҙ­ҙың төп рухи артерияһы булды, бер нисә быуынға үҙе­нең аҡ һәм пак һүҙҙәрен еткерҙе, ауыр саҡ­тарҙа күңелдәрҙә өмөт һәм ышаныс уятты, за­уыҡ өҫ­тә­не. Ундай той­ғо­лар­ҙы бизмәнгә һалып үлсәп булмай, әм­мә рес­пуб­ли­кала йәшәгән, жур­на­лы­быҙҙы ал­дыр­ған, уҡыған   һәр кем белә:  90 йыл буйы  «Ағи­ҙел»  үҙе­нең бит­тә­рен­дә әҙип­­­тә­ре­беҙ­ҙе барлап, тер­кәп бар­­ҙы, бы­уын­дар бәй­ләнешен тәь­мин итте.

Артабан уҡырға


Декабрь 2012

«Ағиҙел» журналының 2012 йылғы лауреаттары


Декабрь 2012

Әҙәби-мәҙәни мөхит

* * *

Бөйөк башҡорт шағиры, мәғрифәтсеһе Мифтахетдин Аҡмулланың тыуған төйәге Туҡһанбай ауылында заманының данлыҡлы улдары – уҡымышлы, указлы муллаларҙың ҡәберенә билдә ташы ҡуйылды.

Ҙур тулҡынланыу менән Ҡырғыҙ-Миәкә мәсете муллаһы Ирек хәҙрәт Шаморатов Ҡөрьән-Кәримдән аят уҡығас, билдә ташы ҡуйылған имамдар тураһында мәғлүмәт тыңланды.

Улар икәү. Береһе – Дәүләтша Ғилман улы Имашев 1882 – 1898 йылдарҙа Туҡһанбай мөхтәсебендә имам-хатиб һәм мөғәллим булған. Ҙур ҡарағай бүрәнәләрҙән мәсет, мәҙрәсә һалдырған. Аҡмулла мөнәжәттәрен халыҡҡа еткергән. Дәүләтша Аҙнай ауылында донъяға килгән. Данлыҡлы Имашевтар  нәҫеленән. Икенсеһе – мулла Шәйхетдин Динмөхәмәт улы Динмөхәмәтов. Ул Мифтахетдин Аҡмулла ижадын өйрәнеүселәргә иң ҡәҙерле кешеләрҙең береһе. 

Артабан уҡырға


Декабрь 2012

Әхмәт Сөләймәнов

Тауҙар хәтле эштәр башҡарғанда

(Әнүр Вахитовтың тыуыуына – 80 йыл)

1. Даны буйынса таныулы ағай

«...Ҡар ҡарайып, ҡыйыҡтарҙан беренсе тамсы тамыуы була, быйыл ҡайһы яҡҡа барыу, яңы ерҙәр, яңы кешеләр күрәсәгем тураһында уйлана-хыяллана башлайым... Яңы йыр, ҡары һүҙ1# ишетеремде ҡыуанып көтәм. Халыҡ тыуҙырған аҫыл моң-көйҙәр ҡолағымды алдан уҡ иркәләй башлай...» Әнүр Вахитовтың «Яҡты күңел» тигән хикәйәләр һәм хикәйәттәр китабының (Өфө, 1981) тәүге битендәге ошо юлдарҙы уҡығас уҡ, таныш ашҡыныуҙар, таныш кисерештәр, тип уйланым. Шулай булмай һуң, был һүҙҙәрҙе әйткән герой миңә һөнәрҙәш, фольклорсы булып сыҡты бит. Шул һөнәрҙәшемсә әйткәндә, минең дә эшем шундай: «Йыл да йәй буйы ауылдар буйлап йөрөйөм, сәсәндәр, ҡурайсылар менән осрашам, боронғоно – бөгөнгә, бөгөнгөнө киләсәккә ялғап йәшәүсе күпте күргән аҡһаҡалдар менән һөйләшәм» (10-сы б.).

Артабан уҡырға


Декабрь 2012

Фәнил Күзбәков

Нәфис әҙәбиәт: хыял, ысынбарлыҡ, тормош талабы

   Дәүер көҙгөһө лә, дәүер һулышы ла — әҙәбиәт

(Таңсулпан Ғарипова һәм Фәрзәнә Аҡбулатова  менән  әңгәмә)

Әҙәбиәт теге йәки был идеяға битараф була аламы? Ниндәйҙер идеяға хеҙмәт итеү бер яҡлылыҡҡа алып килмәйме?

Фәрзәнә Аҡбулатова:

– Әҙәмдең эске донъяһы менән эш иткәнлектән, әҙәбиәткә, ғөмүмән, битарафлыҡ хас түгелдер, тим. Битараф әҙәбиәт тә, артыҡ идеологиялаштырылған әҙәбиәт тә халыҡты ылыҡтырмай. Уҡыусы тетрәнеп тә, һыҙланып та, көлөп тә, ҡыуанып та, йәғни кисерештәр эсендә ҡайнап үҙенең күңелен  һуғара. Ә көсләп тағылған идеялар әҙәбиәт менән идара итә башлаһалар, бер һүҙһеҙ уны буйһондороп, һутын һурасаҡтар. 

Артабан уҡырға


Декабрь 2012

Фәрит Яҡшығолов

Рухи көсөм

Кем инде һин, кем инде:

Йырҙарың моңло-зарлы.

Һөйгән йәрһеҙ ҙә ҡалғанһың,

Йорт-ҡураларың  ярлы!

 

Әммә рухым имгәнмәгән –

Ул үҙе бөтмәҫ байлыҡ.

Донъя малы – дуңғыҙ ҡаны –

Белмәй әйтмәгән халыҡ!

Артабан уҡырға


Декабрь 2012

Зөфәр Сабирйәнов

Ҡоштоң пар ҡанаттары

Мәңге бергә татар, башҡорт –

Ҡоштоң пар ҡанаттары.

Ҡәрҙәш итте беҙҙе дуҫлыҡ,

Яттарға ҡаратманы.

Туғанлашып матур йәшәү –

Башҡорт, татар йолаһы.

Әйтерһең дә, бер әсәнең

Беҙ игеҙәк балаһы.

Ҡунаҡ булып бер-беребеҙгә

Йыраҡ түгел бараһы.

Ут күршегә кергән кеүек

Беҙҙең һуҡмаҡ араһы.

Артабан уҡырға


Декабрь 2012

Земфира Сәхипова

Робағиҙар

Ауыҙ асып һүҙ әйтергә ҡыйманым,

Кеше хәтерен һаҡлар өсөн тыуғанмын.

Бар михнәттәрҙе эсемә йыйғанмын,

Йыйғандарҙан робағиҙар ҡойғанмын.

***

Тура әйтеп, кешеләрҙән һүгеләм,

Тура әйтеп, ҡан йәшемә түгеләм.

Әйтмәй ҡалһам, йоҡоларымдан яҙам,

Бер хатаға юл ҡуйҙым, тип  үкенәм.

Артабан уҡырға


123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143