Йәйге иртә Хоҙай биргән яҡты көндәр Йылмайып, көлөп тора. Ошо матурлыҡҡа баҡһам, Һағыштар һүнеп тора. Сәскәләр балға тулышҡан, Йүкәләр әйҙәп тора. Йүкә сәскәһенең тәмен Хуш еҫле сәйҙән һора. Хатта урам мөйөшөндә

Артабан уҡырға

Телем-телем – икмәгем Телем минең, һүҙ хазинам, Әсәйем биргән байлыҡ, Һинең менән мин ҡеүәтле, Аҡылым һәр саҡ айыҡ. Йәшәүемдең икмәге һин, Телем-телем – икмәгем. Һинең менән наҙ өләштем, Ауыр йөктәр йөкмәнем. Йүнһеҙҙәргә борос булдым, Йүнлеләргә мәрхәмәт.

Артабан уҡырға

“Киләсәктә был ерҙәргә Хоҙай үҙе ҡыҙығыр...” тип яҙған мәшһүр башҡорт шағиры Шәйехзада Бабич Урал буйҙарын ҡыҙырғанда. Был юлдарҙы уҡығанда Уралтауҙың бар йәмдәрен бер үҙенә туплаған Әбйәлил ере лә күҙ алдына баҫа. Ысынлап та, бер түгел ике Ҡыҙыл йылғаһы яғалап аҡҡан зәңгәр күлдәр иле Әбйәлилдең бер яғын мәғрур Ирәндек, Ҡырҡты, Өрпәк тауҙары ҡаплап торһа, икенсе яғында күҙ күреме етмәҫ далалар башлана. Ҡола тауҙары ла, ҡая таштары ла, ҡояш нурҙары төшмәгән ҡараңғы урмандары ла бар был ерҙең. Берҙәй үк тәбиғи байлыҡтары менән дә, кешеләре менән дә дан тота был ил. Әбйәлил районы хакимиәте башлығы Рим Һатыбал улы СЫҢҒЫҘОВ менән ҡорған әңгәмәбеҙ тап шул хаҡта.

Артабан уҡырға

Әй, ҡәләм! Шатлыҡ менән ҡараңды түк!
Тәбрик итеп милләтемә яҙам мәктүп.
Һәр йәһәттән хөрриәттәр асылғанға,
Был көндә хәсрәтемдән шатлығым күп.

Шатланып был эштәргә: “Афарин!” тип,
Милләтте шатлыҡ менән ҡылам тәбрик.
Күңелемдән бар ҡайғылар бары китте,
Әсәнән яңы тыуған балалар тик.

Артабан уҡырға

Арыҫландар үҙ ерен
Залимдарҙан таптатмаҫ,
Таптаймын тип атлаһа,
Башҡорт ҡаны атлатмаҫ.
Ил өҫтөнә сапҡан яу
Башҡорт йәнен ҡаҡшатмаҫ,
Бысраҡ табан аҫтында
Башҡорт намыҫы ятмаҫ.
Башҡортостан – гөлбостан,
Сөмбөлөстан, нурбостан,
Шунда тыуған, шунда үҫкән
Башҡорт атлы арыҫлан!

Артабан уҡырға

БЕҘҘЕҢ
ҠАҘАНЫШЫБЫҘ
Быйыл 17 июлдә илебеҙ Президенты В.В. Путин Башҡортостан Республикаһының 100 йыллығын байрам итеү тураһында Указға ҡул ҡуйҙы. Был юбилей үткән быуат башында Рәсәй Федерацияһына нигеҙ һалыусы Башҡорт Автономиялы Совет Социалистик Республикаһы төҙөлөүенә бәйле һәм Рәсәй менән уртаҡ тарихыбыҙ өсөн ысын мәғәнәһендә мөһим ваҡиға.
Ил етәкселегенең әлеге датаға ҙур әһәмиәт биреүе һис тә осраҡлы түгел. Ни тиһәң дә, тап башҡорт халҡының ҙур дәүләт составында үҙаллы республика булдырырға теләк белдереүе һәм һөҙөмтәлә БАССР-ҙың барлыҡҡа килеүе менән хәҙерге федератив ҡоролошҡа нигеҙ һалынған. 

Артабан уҡырға

Әҙәби-ғәмәли
конференцияла
Баймаҡтың район китапханаһы Баш­ҡортостандың халыҡ яҙыусыһы Ноғман Мусиндың ижадына арнап әҙәби-ғәмәли конференция үткәрҙе. Унда райондың барлыҡ китапханасылары, башҡорт теле һәм әҙәбиәте уҡытыусылары саҡырыл­ғайны. Конференцияла шул осорҙа Талҡаҫ шифаханаһында ял итеүсе Ноғман Мусин үҙе лә ҡатнашты.
Һүҙ “Һуңғы солоҡ” романының художество үҙенсәлектәре тураһында фекер алышыуға ҡоролһа ла, яҙыусының башҡа әҫәрҙәре, ҙур ижад юлы тураһында ҡы­ҙыҡлы һөйләшеүгә күсеп китте.
Ноғман Мусин әҙәбиәт һөйөүселәрҙең бик күп һорауҙарына яуап бирҙе, хәҙерге башҡорт әҙәбиәтендәге күренештәр тураһында ла һөйләне.

Артабан уҡырға

Мәләүез ҡалаһында йәшәгән Зөфәр Толомғужин әҙәбиәт һөйөүселәргә бер нисә китабы, шулай уҡ шәжәрәләр тупланмаһы менән таныш. Ә был йыйынтығына прозаиктың һуңғы йыл­дарҙа яҙылған хикәйәләре, повесы һәм “Йәнем рәхәте” тигән күләмле әҫәре ингән.

Электрон китаптар
– заман ҡаҙанышы
XXI быуат уртаһында кеше китап һатып алып уҡымай, уны интернеттан табып, экрандан ғына уҡыу ғәҙәт ителгән хәҙер, тип ышандырырға тырыша беҙҙе төрлө-төрлө гаджеттар яратыусылар. Донъяны тиҙ арала яулап алырға тейешле электрон тормош беҙгә күптән килеп етеп, һаман ышаныслы урын яулап ала алмаһа ла (ҡайҙа барма, электрон версияғя ҡушып уның ҡағыҙ вариантын да таптыралар), был яңылыҡтар йәшәйешебеҙҙә киңерәк таралыу яулай бара. 

Артабан уҡырға