Журнал Агидель

Журналдың һандары

Яңы һан

«Ағиҙел» рубрикалары

Шиғриәт

Сәсмә әҫәрҙәр

Шишмәләр

Өмөтлө ҡәләм

Әҙәби тәнкит

Беҙҙең юбилярҙар

Беҙҙең календарь

Публицистика

Музейҙар - мәҙәниәтебеҙ көҙгөһө

Заман үә замандаштар

Әҙәбиәт ғилеме

Әҙәби мираҫ

Ҡәләмдәштәр төҫө

Иман нуры

Яҙмыштан һыҙмыш юҡ

Сәнғәт

Журнал уҡыусылар ижады

«Ағиҙел»гә хаттар килә

Рухи ынйыларыбыҙ

Рухи хазиналарыбыҙ

Сәхнә әҫәрҙәре

«Ағиҙел» ҡунағы

Сатира һәм юмор

Ҡәҙер һәм хәтер

Тәржемә мәктәбе

1812 йылғы Ватан һуғышына – 200 йыл

Әҙәби-мәҙәни мөхит

Бер минутлыҡ әңгәмә

Дуҫлыҡ күперҙәре

Ил-йорт ғәме

Бөйөк Еңеүгә

Китап кәштәһе

Әҙип тормошо

Быуат йылъяҙмағы - 100

Тере хәтер

Исемегеҙ хәтер күгендә

Дин һәм фән

«Ағиҙел»дең 8-се һанында:

Риф Мифтахов, Айһылыу Ғарифуллина, Рәшит Заһиҙуллин. Шиғырҙар.

Әбүскә 100 йыл.

Әҙәби мираҫ. Ибраһим Ҡыпсаҡ.

Яңылыҡтар

Хикәйәләр ярышмаһы!

«Ағиҙел» журналының 2012 йылғы лауреаттары

Евразия Яҙыусылар берлеге һәм «Ағиҙел» журналы Мәхмүт Ҡашғари исемендәге халыҡ-ара II хикәйәләр бәйгеһен иғлан итә. Темаһы – ирекле. Региондарҙа еңеүселәрҙе билдәләү 2012 йылдың 30 сентябренә тиклем.

«Ағиҙел» – «Йыл журналы»!

Беҙҙең дуҫтар

Башкирское книжное издательство Китап имени Зайнаб Биишевой
Информационно-публицистический еженедельник Истоки

Май 2012

Риф Мифтахов

«Утын ҡырҡтым өс ағас...»

Хикәйә-хәтирә

Яңыраҡ Хәйҙәрҙең тыуған көнө булды. Ай-һай, был ваҡыт тигәнең аҡҡан һыу кеүек үтә лә китә икән. Ҡасан ғына әле йүгереп йөрөгән малай ине, ә бына хәҙер йәше менән дә, эше менән дә олпатланып өлгөргән ғалим, университет профессоры – хәйер, быны эш урынында үткәргән тантанала әйттеләр. Был турала уйлағаны һирәк, ә бына һуғыш йылдарына тура килгән бала сағын бик йыш иҫенә төшөрә ул.

Иртәгә яңы фатирына ауылдан туғандары, күршеләре йыйыласаҡ. Хәйҙәр ҙур табын ҡороп, тыуған көнөн билдәләү тураһында башына ла килтермәгәйне-килтереүен, баҡһаң, ҡатыны бөтәһен дә алдан уйлап, әҙерләп йөрөгән икән. Хәйҙәр ҡаршылашҡас, түңәрәк етмеш ғүмерҙә бер генә була ул, ауыҙынды ла асма, үткәрәбеҙ, тине лә ҡуйҙы.

Артабан уҡырға


Май 2012

Спартак Ильясов

ТӘҠДИР

Хикәйә

Һуғыш ана бөтә, бына бөтә тигән йылда ла ҡан ҡойғос бәрелештәрҙә йә аяғын, йә ҡулын өҙҙөргән, тәрән тән яраһы алған яралыларҙы тейәгән «Мәскәү – Иркутск» оҙон поезы Өфөгә 1945 йылдың октябрь аҙаҡтарында килеп туҡтаны. Туҡтауһыҙ һыҙланыуҙан йоҡоһон һис ҡандыра алмаған Үлмәҫҡол поезд тәгәрмәстәренең бер төрлө теҙмә туҡылдауына, вагондың һәлмәк кенә бәүелеүенә иҙрәп ойоп киткәйне. Поезд туҡтағанда ҡапыл һелкенеүҙән, кешеләрҙең ҡысҡырып һөйләшеүенән иләүрәп уянып китте. Әле күҙен асмаҫ борон, әллә өнөндә, әллә төшөндә өҫтөнә менергә ажарланып килгән танкыға атыр өсөн, мылтығына үрелде. Ләкин, нишләптер, уның уң ҡулы мылтыҡ ҡайышын яңылыш һәрмәй ҙә ҡуя. Тартып һис ҡулына ала алмай. Ә немец танкыһы бына алдағы брустверҙы үтте. Хәҙер килеп менә бит Үлмәҫҡолдоң окобына. Уның аңында һаман да шул һуңғы алыш – Берлинды алыр өсөн барған ҡанлы бәрелеш ине. Немец танкыһы уның окобы өҫтөнә килеп менде лә окоп тулы һалдаттар өҫтөндә өйөрөлә башланы. Үлмәҫҡол, уң ҡулбашына пуля тейеп, ҡулы йөрөмәгәнен әле һиҙмәй ине. Шуға ла ул ҡулына танкыға ҡаршы ата торған мылтығын ала алманы. Ә танк окоп өҫтөндә өйөрөлдө лә өйөрөлдө. Кәүҙәһе менән бергә хәрәкәт итә алмай һәленеп торған уң ҡул ситтәрәк ҡалды. Нисек булғандыр, әммә танкының «ҡарышлауығы» Үлмәҫҡол өҫтөндәге балсыҡтан һерәйеп сыҡҡан ҡулды эләктереп, уның кәүҙәһен ҡалҡыта биреп тәненән йолҡоп алды ла, өйөрөлөүенән туҡтап, өҙөлгән ҡулды тәгәрмәстәре араһына ҡыҫтырған килеш күрше окоптар өҫтөнә шылды.

Артабан уҡырға


Май 2012

Әмир Әминев

Йондоҙ сәскә

Повесть

Солан ишеген дөбөрләттеләр. Рәүеф тауышҡа тертләп уянды ла, күҙҙәрен ышҡып, тәүҙә өй эсен байҡаны, унан тәҙрәгә күҙ һалды: тышта дөм-ҡараңғы, етмәһә, ямғыр ҙа яуа, буғай. Яҡшы хужа этен дә сығармаҫ бындай төндә кем йөрөр икән? Тимәк, эше етди, тимәк, Рәүефтең ныҡ кәрәге төшкән. Дөбөрләтеү ҡабатланды: был юлы ишеккә  йоҙроҡлап һуҡтылар. «Ҡалай түҙемһеҙ, – тип уйланы Рәүеф, – ут сыҡҡан тиерһең, килгән кеше, ғәҙәттә, йомшаҡ ҡына ҡаға торғайнысы».

– Асығыҙ! – Ҡырҡыу тауыш яңғыраны. Рәүеф салбарын кейеп, аяҡтарын ҡатаһына тыҡты ла ишеккә атланы.

– Кем?

– Полиция.

– Полиция, ти? Төн уртаһында нимә кәрәк булды данлыҡлы тәртип  һаҡсыларына?

– Тәүҙә асығыҙ, шунан әйтербеҙ.   

Артабан уҡырға


Май 2012

Әлфиә Әсәҙуллина

Хәтер күпере


Поэма

Ҡартатайым Вәлиәхмәт Нурислам улы Әсәҙуллин 1912 йылда Ауырғазы районы Үтәймулла ауылында тыуған. Бөйөк Ватан һуғышына тиклем ауыл Советы рәйесе булып эшләгән.

Армияға уны аты менән бергә алғандар. Генерал Миңлеғәли Шайморатов етәкселегендәге 112-се Башҡорт атлы дивизияһының  275-се уҡсылар полкы составында яуға ингән. 1942 йылдың 5 декабрендә  Сталинград яуында – Дондағы Ростов өсөн барған ҡаты алыштарҙа батырҙарса һәләк булған.

Артабан уҡырға


Май 2012

Рауил Шаммас

Аҡыл, тиһең...

«Иң аҡыллы миндер ул», – тип уйлаһаң,

Тура әйтәм: һин бик аҡылһыҙ.

Шул фекерҙе аҡ ҡағыҙға яҙ ҙа,

Йөҙөң һыта биреп, ҡабат һыҙ.

 

Шул һыҙыуың менән һин аҡыллы.

Һатып алып булмай аҡылды.

«Аҡыллымын!» – тиеп күкрәк һуғып,

Күпме заттар ерҙә абынды.

 

Артабан уҡырға


Май 2012

Рауил Бикбаев

Үҙем генә беләм

Шәһит билбауы

Әллә зомби, әллә сая йәндәр

Шартлатҡанда шәһит билбауын,

Ғәйепһеҙгә күпме ғүмер өҙөлә,

Тик туҡтатмай мөртәт был яуын.

 

Күпме гонаһһыҙҙар һәләк була,

Ҡырып һала үсле был ҡомар.

Эй дәһшәтле илдәр!

Үҙегеҙгә

Итмәйһегеҙ ниңә иғтибар?


Артабан уҡырға


Апрель 2012

Әҙәби-мәҙәни мөхит

Рәми Ғарипов көндәре

Башҡорт дәүләт опера һәм балет театрында Башҡортостандың халыҡ шағиры Рәми Ғариповтың тыуыуына 80 йыл тулыуы айҡанлы үткәрелгән әҙәби-музыкаль кисә ысын мәғәнәһендә рух тантанаһы һәм һүҙ сәнғәте балҡышы төҫөн алды. Хөкүмәт Премьер-министры урынбаҫары Салауат Сәғитовтың тәбрикләү телмәренән һуң Рәми Ғариповтың ҡәләмдәштәре: БР Дәүләт Йыйылышы – Ҡоролтай комитеты рәйесе, халыҡ шағиры Рауил Бикбаев, халыҡ шағирҙары Ҡәҙим Аралбаев, Абдулхаҡ Игебаев, Марат Кәримов, Тимер Йосопов һәм башҡалар мәртәбәле сығыштары менән, ә сәхнә таланттары сағыу  программа менән кисәнең бәҫен күтәрҙе. Юбилейҙа Рәми Ғариповтың балалары, ейәнсәрҙәре, яҡташтары, йәмәғәтселек вәкилдәре ҡатнашты, күргәҙмәләр эшләне, китап сауҙаһы ойошторолдо.

Артабан уҡырға


Апрель 2012

Ишмөхәмәт Шарапов

«Ошо йырым булыр уҡаһы»

Бөйөк Ватан һуғышына тиклем Учалы районының Науырҙа ауылында йәшәп, шунан фронтҡа алынған Сафиулла Афзаловтың «Ейәндәрем уҡыр...» тип аталған көндәлектәренән өҙөктәр «Ағиҙел»дең былтырғы 5-се һанында донъя күргәйне. Унда һүҙ һуғышҡа тиклемге ваҡиғалар тураһында барһа, был юлы тәҡдим ителгәне авторҙың үҫмер сағынан алып егет ҡорона ингән осорона бағышланған. Яҙма тәрән фәлсәфәле фекерҙәргә бай булыуы менән иғтибарҙы йәлеп итә.

«Миңә 9 йәш, быйыл  3-сө класта уҡый башланым. Ауылда шаулы ваҡиғалар булып алды, бөтә халыҡты колхозға индерҙеләр. Атайым менән күрше Ҡасим ағай быға риза булманы. «Урта хәлле (уларҙы шулай тип йөрөтәләр – С.А.) көйө лә бына тигән итеп йәшәп яттыҡ, артабан да шулай йәшәрбеҙ әле», – тине улар. Атайым менән Ҡасим ағайҙы колхозға инергә өгөтләп тә, ҡурҡытып та ҡаранылар. Ахырыһы ауыл йыйылышында, уларға кулак мөһөрө тағып, Себергә һөрөргә ҡарар иткәндәр.

Артабан уҡырға


123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150